Eenen nieuvven Antwerpschen liekens-boeck



[pagina 12]
Dit Liedeken is ghesonghen op het Spel van Alexander de Medicis genaemt het Lust-hof van Florencen 1631.
Een nieu Clach-Liedeken Op de wijse: Soo het beghindt. WAnneer een weldrigh mensch Vlees lustich is gheneghen Na eenen vremden mensch, Die recht en reden zijn teghen: Sal rusten dach noch nacht Voor dat hy is volbracht. Tarquinius Tyran Een Prins van grooter machten Tot schande vanden man Lucretiam vercrachten, Hoe seer ’t haer heeft ghedeert Volbrocht sijn vleesch begheert.
[pagina 13]
Sy heeft haer hert doorgroeft, Want cost dees schand niet draghen, De vrienden zijn bedroeft: Wie sullent sy ’t laes claghen? Den meester van dees schandt Is Heer van het Landt. O schroomelijcke daet, Wat doet ghy tranen leken, Gansch Roomen sou dit quaet Door recht wel willen wreken, Den Tybers soet ghetraen Wou doen de stadt vergaen. Onnoosel Edel vrou Ghy sout noch zijn int leven Dat dese snoo ontrou Een tijde waer bedreven, Dat Heer en Rechter is, Den Prins de Medicis. PRINCE. T’is een gherechtich Heer Die door recht troost den armen, Hy sou u deughtsaem Eer Gherechtelijck beschermen Ghelijck voor al de Lien Noch heden sal gheschien. I. Spierincx. Allencxkens niet.