|
| |
Na dat de Prince door Godes ghehenghenisse wt het Landt gheweken was heeft Ducdalue (meynende het spel gheheel gewonnen te hebben) een listich Pardoen laten wtgaen.
Waer tegen dese twee nauolgende Liedekens gemaeckt zijn. Ende connen oock mede dienen op het Pardoen van desen nieuwen Commandadeur, Anno 1574. wtgegaen.
| |
Op de wijse, Laet ons met sange nu gaen verblijden.
O Werelt listich, lieflick int orboren,
Hoe brengt ghy te voren,, die simple v loosheyt?
Ghy beloeft vrede, int eynde wordet toren
Waert moghelick d'Wtuercoren,, souden worden verleyt:
O duckdalb sulcke stricken ghy bereyt,
Om dat ghy sout vernielen,, die weluaert onser sielen:
Maer tis te vergeefs dat ghy alsulckes verbreyt
Op de wijse, daer de Man met rusten wil leuen, moet het Vrouken, etc.
Op v Pardoen wy niet en achten,
Een ander van Godt wy verwachten,
Christus heeft ons ghemaeckt vry:
| |
| |
Op hem alleen betrouwen wy,
Hy sal ons verlossen van alle ghewelt:
Op v Pardoen wy niet en achten,
Want het voor Godt niet en ghelt.
 Ons Coninck is een Coninc groot van weerden,
Van Hemel en Eerden, en ooc van Jsrael:
Der Princen Prins, een Vorst cloeck int volheerden,
Wat hy wil aenueerden, volbringt hy haest en snel:
Hy is der Heydenen Heylant, diet al ghemaect heeft wel,
Na zijn goet welbehaghen, wie soude daer vertsaghen
Om hem t'aenbeden, als wy zijn int ghequel.
| |
op de selue wijse als vooren.
Gods ghenade staet altijt open,
Tverloren Schaep heeft hy ghehaelt:
Op hem alleen willen wy hopen,
Onse schult heeft hy betaelt:
Sijn Belofte is noyt ghefaelt,
Om ons te verlossen van alle torment:
Gods ghenade staet altijt open,
En zijn Liefde is sonder ent.
Na Gods beuel so wilden wy leuen,
Dats dat elck sou geuen,, den Keyser zynen chijs:
Maer hem de Eere, sy wort hem toegheschreuen
Gheen Goden beneuen,, hem, kennen wy
| |
| |
Hem behoort de vrese, hy is alleene wijs:
Vervloeckt wiltse Godt houwen,, die op Menschen betrouwen
Want sy zijn ydel, haer macht is als een rijs.
| |
Op v Pardoen wy niet, en achten, &c.
Ghy acht ons Ketters, siet selfs v Bels knapen,
Monicken en Papen,, haer Leere als fenijn:
Aensiet de liefde van uwe Bijtschapen,
Bloetghierich sy gapen,, en souwen Herders zijn:
Tzijn grijpende Wolven, in eenen heylighen schijn:
d'Ooghen vol Hoerderije,, en t'Herte vol inuije,
Maer tis vergheefs dat ghy alsulcks verbreydt.
| |
Gods ghenade staet altijt open, etc.
Jst ghewelt dat wy volchden Gods weghen
Als d'Apostels plegen,, na ons vermogen al
Wy segghen Neen: maer al dat God is tegen
Waer beter versweghen, wtgheroeyt hen ghetal:
Want de Hoer van Babel sal haest comen ten val:
die ghy nu wilt vereeren,, maer t Sweert sal v verteeren,
So dat v plaetse hier niemant vinden sal.
| |
| |
| |
Op v Pardoen wy. etc.
Sloeghen wy d'Afgoden, hier op wilt mercken,
Door sulcke wercken,, wert Godt niet onteert:
Christus smeet selfs die Cooplieden wter Kercken,
Wou niet in sulck' percken,, zijn Woort hebben vermeert:
Maer diet wt dieften deden, hebdy meest gheleert,
Al sonder ons toeseggen, oft s Princen wederlegghen,
Want quade wercken,, tot quaden eynde keert.
| |
Gods Ghenade staet, etc.
Dat wy als Rebelle n nu moete n vlieden,
Beclaghen veel lieden,, maer Christus spreeckt seer vroet:
Waert ghy van de Werelt, tsou niet gheschieden,
Sy sou v eere bieden,, nu ghy sulcx niet en doet,
Moet ghy om minent wille laten lijf en goet
Hoe souden wy dan vreesen,, God en laet ons gheen Weesen,
Hoe ghy Vorst des Duyuels op ons zijt verwoet.
| |
| |
| |
Die God verloochendt, sal hy oock versaken,
Als hy meynt te raken,, int nieu Jerusalem
Maer die hem belijdt, die sal hy groot maken,
Twelck dat willen laken,, die vanden Caphernaem
Want sy lieuer deruen hooren Godes stem:
Dan dat haer svleesch wellusten,, hier soude moeten rusten,
Teewich verdoemen laden de sulc op hem.
| |
Gods genade staet, etc.
 Jck laet elck besien, of wy s Conincx Landen,
Soo brochten ter schanden,, ghelijckmen v nu siet
Wy waren ree, te weeren zijn vyanden,
Die ghy doet verbranden,, v noyt misdeden yet:
D'edelen die den Coninck int strijden noyt verliet,
Doet ghy schandelick steruen,, om hen Landt te beeruen,
Dies bekennen wy v voor geen Heere niet.
| |
Op v Pardoen wy, etc.
Souden wy kennen voor v ons misdaden,
Die vol onghenaden,, niet en doet dan onrecht
| |
| |
En s Conincx wet sietmen v selfs versmaden
Tsijnder grooter schaden,, zijt ghy worden zijn knecht
Teynde uwer daghen, wert ghy gemaect heel slecht,
Als onse Godt sal wreken,, het quaet aen v ghebleken:
Wat helpt dan dat ghy ons wt den Lande segt?
| |
Gods ghenade staet, etc.
Een Christelicke Kercke kennen wy te gader,
daer af Godt is vader,, Christus het Hooft seer reyn:
Vant thooft des Paus zijn wy een versmader,
Hy is gheen ontlader ,, der sonder groot noch cleen:
Noch is oock niet ghebout op den Leuenden steen:
Gods eer heeft hy ghestolen,, de Simpele doen dolen:
Al zijn Jnsetten verworpen wy met een.
| |
Op v Pardoen, etc.
Als stadthouder Christi dorft ghy he m noemen,
dit Kint der Verdoemenis, tuycht ons die Schriftuer:
Van al dat Godsdienst heet derf hy hem roemen,
| |
| |
Dat hem elck moet schroemen,, door zijn wreetheyt seer stuer:
Hy is t Beest vol Hoofden,, des Rooden Draecx Figuer,
Daer niet voor willen buygen,, alle Christen ghetuyghen,
Dies haer de tweede doot, niet sal vallen suer.
| |
Gods ghenade staet,etc.
Js dat v liefde die ghy t Nederlandt draghet,
En d'ingeboorne plaghet,, nemende goet oft schat:
Ende oock wilt behouden, want v so behaget,
Dat elck v oorlof vraget, om te besitten dat
van v grote liefde, Segt ons Micheas plat
Tvette Schaep ghy slachtet,, tmaghere ghy verachtet,
Van tbloedt der Heylighen zijdy gheensins sat.
| |
Op v pardoen wy, etc.
Bacchides belieft der Machabee n vrede,
Als hy haer stede,, creech, brocht hyse ter doot:
Sulcks meynt ghy Duckdalf, wt te rechten mede,
Ghy gaeft haer een snede,, die hen v gauen bloot,
Om te verantwoorden, en quamen soo in noot:
Wie sou dan v Gheloouen, dan om ons te beroouen,
| |
| |
Van goet en leuen, dwelc v leert de Paus v hoot.
| |
Gods ghenade staet, etc.
Hebben wy gheherbercht ons Predicanten,
Weerder dan v Santen,, ghedoopt ons kinders daer,
Jn ons Tempels, gebout aen allen canten,
Met consent der danten,, van Parma in dat Jaer
Opperste Regenten der Nederlanden, maer
Haer valsch hert doortogen,, heeft ons al bedroghen,
dies wy betrouwen op Gods belofte claer.
| |
Op v Pardoen wy, etc.
Ghy stelt ons Graty-tijt als Gods Vassale,
Hier naer d'eeuwighe quale,, Vergheeft spreect Christus coen,
Niet seuenwerf, maar tseuentich seuenmale
dats sonder getale,, sal wesen v Pardoen
Aen uwen Broeder, op dat v in elck saysoen
Werden quijt gheschouwen,, de sonden die v rouwen,
Als sal ontfanghen die Vrome, Palmen groen.
| |
| |
| |
Op Godt betrout de Prins van Oraengien,
Sijnde in Almaengien,, Godt zal stercken zijn handt,
Dat hy sal paeyseren calaengien,
Den Coninck van Spaengien, bewaren zijne Pandt
Vernielen v Bloethondt, den Vromen een Tyrant:
Laet v Afgodtsche Nacy,, aen Godt bidden om gracy:
Ghy sult Pharo slachten, als Godt ons doet bystant:
Op v Pardoen wy niet en achten,
Een ander van Godt wy verwachten,
Christus heeft ons gemaeckt vry, etc.
Goet oft heylich, niet boos zijn de Papen haer
Recht woort Gods sy leerden en noyt leughenachtich,
Tbloedt sy sparen en niet dorstich gapen maer,
Slecht tvolck wijsende, Christum gheensins crachtich.
|
|
Auteursrechtvrij