Nieu Aemstelredams Liedboek

Hier naer volghen verscheyden nieuwe Tafel Liedekens.

Op de wijse: Compt al ghy Venus dierkens

OM nu te moghen wten
Dat ick heb aengeheven
Dat ons die wijngaert spruyten
Seer mildelijck gheven
Daer wy vrolijc by leven, Verheucht ons sinnen wel,
Ick salt v Liefken gheven,
Tot voldoening van spel.

[fol. 24]

 

Als ghijt lief hebt ontfanghen

 

Volcht my als ick doe vooren

 

Voldoet ons met sanghen

 

Laet v clincken nu hooren

 

Om vreuchde te oorbooren

 

Alle treuren versmaet

 

Hebt ghy wat liefs vercoren

 

Hem nimmermeer verlaet.

 

T'gelt v mijn Naberinne

 

Hier in dese contraye

 

T'gaet seer soetelijck inne

 

T'smaeckt als een suyckraye,

 

Als ick dit natgen spraye

 

T'verheucht alle mijn moet

 

Singt oock een Lietgen fraye,

 

Als uwen Schencker doet.

 

Princes dits v gheschoncken

 

En v jonstighe Heeren

 

Tis schoontgens wtghedroncken,

 

Doet mee tis mijn begeeren

 

Wilt my ten besten keeren

 

Het compt wt shertsen gront,

 

Lief dits tot uwer eeren

 

Voor uwer rooden mont.