Nederlandse historische bronnen 10

7

Rome, 20 februari 1519

Bemynde swager, Een uwen brieff heb ick ontfaen by u geschreven tot Machlen den XXIsten dach Januarii my gepresenteert den XIIIsten van deser tegenwordiger maent Februarii, dair by ghy schryft van den doet van salige heer Johan Ockel⁴⁸. Ende by raet van den vrienden en hebt ghy nyet die possessie van der provende van Den Bossche nyet dorren neemen om deswille dat die benefitie desselven Ockels gereserveert waeren. My ist leet dat ghy die possessie nyet genoemen en hebt, want al waeren die benefitien gereserveert, ic solde die provende soe wel als een ander hebben connen verdeenghen, ende hadde oeck den schaede soe wel moegen lyden als die gheen die nu in der possessien gestelt is. Mer my donct dat ghy anxt hebt dan u soen Goertken te vroech ryck solde syn ende dairom wille ick gheerne patientie hebben. Got gheve u gratie dat ghy u gratie metter tijt dair van nyet deelafftich en syt.

Dan eest dat dese provende als men my seydt presbiterale is, soe is u negligentie te bat te lyden, ende dat laet my weeten soe gerynge alst u moegelyck is. Ende oft andere provenden vaceerden te wyle ick uyt den lande waer, soe moecht ghy vryelyck die possessie neemen, al waren sy wel gereserveert, sonder u met yemants dair op te beraeden. Hedde u soen in der possessie geweest, ick solde hem die wel hebben doen beholden, by concordie oft in andere maniere. Mer is sy presbyterale, gelyck te fame gaet, soe voil te mynne ist dair aen misdaen, al en is die possessie nyet genoemen. Ic heb uwen soen Wilhem geschreven dat ic qualick van hem te vreeden ben, oeck van synen meester dat een goet dronccaert is, als ick verstaen hebbe, ende heeften gevoert uyt Loeven. Denct ghij wat eeren hy my aen doet als ick meyn eenen licentiaet te vynden, soe sal ick eenen dronckert vynden. In wat manieren mach ick my van uwen kynderen verblyden, die ick alle tsamen uyt den dreck opgehaven hebbe. My is leet dat ick myn hoeft hier mede moet breken. Wilt hy in myne gratie blyve, segt hem dat hy niet eenen voet en gaen uyt Loeven, sonder oirloff van mr. Johan Loemel⁴⁹, den ick geschreven hebbe dat hy

48 Hij overleed 14 januari 1519. De hier volgende passage maakt duidelijk dat de daardoor vrijgekomen prebende verbonden aan het kanonikaat van de Sint-Jan aan neef Goertken was toebedacht; Schutjes, Geschiedenis, IV, 244.

49 Kennelijk zou Johan van Loemel een soort toeziend voogd moeten worden.

[p. 19]

daer toe syen. Anders en solde ick van hem nyet te vreeden syn. Ic solde wel moegen seggen dat u kynders van mynen bloed nyet en waeren, want ic my noyt verblyt en hebbe in droncken dryncken. Hier mede syt Goede bevoilen. Geschreven uyt Romen den XXsten dach Februarij 1519, U broider bekant.

Ontfangen anno XIX den XIIsten dach in Merte per banckam.