Nederlandse historische bronnen 10
(1992)–Anoniem Nederlandse historische bronnen–6Rome, 18 december 1518
Bemynde swager ende suster, Ick seynde u een altare portatile voer die kerckmeesters van SprangheGa naar voetnoot41 ende sullen betaelen drye ducaten ende een halven, inbesloten | |
[pagina 17]
| |
die vracht die ick hem hebbe vrye doen geven. Hier voir hebt ghy geschreven. Voirt ick seynde u een dispense om priester te weerden voir heer Wilhem van YserenGa naar voetnoot42, dair voir geschreven heeft heer Gerardt Naets, ende sal betaelen ducaten drye. Noch seynde ick u een supplicatie voir broider Johan WantGa naar voetnoot43 van den prekeren, die groet favoer heeft gehadt doir u ende myn suster, ende sal betaelen ducaten eenen ende een halven. Met groet geluck heeft hy die gratie gehadt, want men sulken gratie nyet gheerne verleent sonder oerloff van den oeversten van der ordene. Voirt seynde ic een par bullen met eenen processe voir heer Wilhem van Nulant, dair voir die voirs. heer Gerardt geschreven heeft, ende sal betaelen ducaten eenendetwyntich ende voir die vrachte uyt gratie eenen goltgulden. Ende heer Wilhem van Yseren sal betaelen voir syn vracht eenen halven goltgulden. Syn tesamen negenendetwyntich golden ducaten tot 40 stuyvers voir den ducaet ende II goltgulden. Maect dat dit gelt terstont betaelt weerde sonder eynich vertrecken opdat die cooplieden gheen saeke en hebben te claegen. Als van den huyse by der doet TemplersGa naar voetnoot44 saliger tot my gecomen, ic heb u geschreven, doncket u geraeden, ghy moecht heer Gerardt Naets dair ynne laeten trecken met conditien als ick u voirmaels geschreven hebbe, ende dair van hy naer syn schrijven te vreden is. Van thuys dair saligen heer Jan van EsscheGa naar voetnoot45 ynne gestorven is en wille ick nyet verhuert hebben. Balder wolde ick lyden datter een goet capellaen ynne woenden sonder eynige pensie te betaelen dan ghyt yemants verhueren solde, ick en waer yerste by u geweest. Ende, gelyck ic u tot twee reysen geschreven hebbe, doet estimeren allet tgheene dat heer Jacop saligen dair ynne uytgegeven heeft, het sy tot profyt van den huyse oft nyet, dat wille ic synen testamentoirs weeder gegeven hebben tot een placke toe. God heb die siele, syn doet is my van herten leet. Gedenct des ackers tot ErpGa naar voetnoot46 ende segt heer Gerardt Naets voirs. dat ick begeer, wil hy my dienst doen, dat hy solliciteer om den acker te moegen hebben om voile redene die my dair toe moveren. Segt myn suster dat sy naerstelycke bidde opdat ic dit toecomende jaer met hair den Kempensche stoer mach eeten ende ontlasten hair van hairen dochteren, dair ick begerte toe hebbe om die te helpen. Hier mede syt Goede bevoilen. Geschreven uyt Romen den XVIIIsten dach van Decembris 1518, U broider bekant. | |
[pagina 18]
| |
[P.S.] Van der yerster provende die ten Bossch vallen sal laet die possessie neemen voir uwen soen GoertkenGa naar voetnoot47. Den brieff ghy geschreven hebt by Adam den boide heb ick by hem ontfaen den XXIIsten dach van Novembris voirleden. Hy loept seer gelyck die padden.
Ontfangen anno XIX in Januarii den XXIIIIsten dach per banckam. |
|