Nederlandse historische bronnen 10
(1992)–Anoniem Nederlandse historische bronnen–5Rome, 25 februari 1518
Bemynde weerde swager, Ic heb u geschreven aengaende die doet van saligen onsen oem SegerGa naar voetnoot34 ende dat ick die copie van synen testamente heb ontfangen, dair ynne egheen mentioen is gemaect van tgeen hy my schuldich bleven is, dair ick my nyet genoich af en can verwonderen. Ick heb u oeck geschreven mynen synne, hoe ic nyet en dencke van mynder schulden yet quyt te schelden, gemerct dat hij goets genoich achtergelaten heeft, ende dat ick myn goet hoepen nyet qualycker te bestaeden dan ons oem tsyne bestaet heeft. Soe verre ghij het inventarium van synen goede hebt gehadt, wilt my dan dair aff een copie seynden. Ick schreef oeck met uwen brieff aen die testamentoers, begerende dat sy nyet ter executien en stelden voir dat myn rekenscap oversyen en waer, ende ick tyerst betaelt solde syn. Ic hoep dat sy alsoe doen sullen. Anders sal ick tegen hen met den rechte versoeken. Oeck schreeff ic u alsdoen dat ghy uwen verloeren soen Michielken nyet en soldt laeten desen Paesschen promoveren, want ic en solde nyet willen hoeren dat hij den esel gereeden hadde. Dan laet hem noch studeren ter tijt toe dat ic ynt lant coeme. Ic sal dan besyen wat penitentie ic hem stellen sall. Item ic seynde een supplicatie van eender pensie voer heer Wilhem van NulantGa naar voetnoot35, | |
[pagina 16]
| |
dair voir geschreven heeft her Gerart NaetsGa naar voetnoot36. Hy sal betaelen aen die susteren van Orten eenen ducaet ende drye quaerten van eenen ducaet, want die materie is dryevuldich. Solliciteert dat sy terstont betaelen ende gheeft my van den betalinge avys. Nyet en vergeet onse nichten tot Mierle in die BergeleGa naar voetnoot37 en betaelt hen tgeen sy gewoenlyck syn te hebben. Oeck laet my weeten metten yersten oft heer Jacop van EsschGa naar voetnoot38 in myn huys is gevairen met der woen. Anders solde ic dair yemants anders dair ynne stellen. Ende verneempt van heer Jacop wat geschiet is van mynen executorialen op die dekenye tot UyttrechtGa naar voetnoot39. Nyet en vergeet te solliciteeren die saeke van den huyse tegen Tempelaer, want heb ick dair toe recht, als ick hoep, soe en wil ick gheen gelt gespaert hebben om myn recht te vervolgen, oeck tegen die paters die my naer myn doncken groet iniurie gedaen hebben. Doet hier ynne goede diligentie ende segt mynder suster dat sy te vreeden staen ende bid onse Heren Godt dat hy my gespaer dat ick gesont by haer comen mach. Ic sal haer voele droefheyt doen vergheeten, dan ick besorge dat sy myns balde moege sal syn. Om der mennichvoldicheyt van mynen dieners ende peerden die hair doeren aff sullen eten, dan segt haer oeck wanneer myn Kempense schaepen sullen gheeten syn, dan sullen wy yerst bestaen aen haer Vriessche osschen. Het donct my hondert jaer om myn Kempen te visiteeren. Ick verbeyde daegelixs antwordt uyt Ispaingne, dair nae sal ick my weeten te richten. Dan hier van en segt nyemants ende blyft met Goede. Geschreven met haest uyt Romen den XXVsten dach Februarij 1518, U broider.
[P.S.] Segt heer Gerardt Naets dat die priester Jan RoedeGa naar voetnoot40 ghisteren tot Romen is gecoemen ende ick en weet nyet hoe men hem sal moegen helpen, want hy heeft een leelick stuck bedreven.
Ontfangen anno XVIII den XVIIIIsten dach in Meert. |
|