Nederlandse historische bronnen 10
(1992)–Anoniem Nederlandse historische bronnen–3Rome, 1 mei 1515
Waerde bemynde swager ende suster, Den XVIIsten dach Aprille voirleeden heb ick uwen brieff ontfaen by Mathys mynen dienairGa naar voetnoot14, by den welken ghy schryft van den huyse in die Kerckstrate. Ick heb u corts geschreven dat ghyt solt aen laeten staen ter tyt toe ic by u quaem ende want nu corts gestorven is salige Johan de CastilionoGa naar voetnoot15, archidiaken Campinie, oevermits welcks doet ic sal moeten betaelen | |
[pagina 11]
| |
![]() 2 Facsimile van de brief van 1 mei 1515 (brief nr. 3).
Streekarchief, Deurne | |
[pagina 12]
| |
den annaet van den archidiaconaet welck beloept omtrent vijffhondert ducaten. Soe ben ic noch van der meynonge dat ghyt thuys achterlaet ende bestelt ende dat ghij dese Vc ducaten in ordene hebt wanneer ick dair om sal schryven. Ic hadde oeck gehoept desen Pinxteren by u te syn, dan myn vertreck is verlengt met desen voirs. archidiaconaet dair ynne sommige lieden hem dragen willen om my te molesteren. Dan ick hoep by der hulpen van Goede ende goede vrunden, gemerct myn goet recht, dat ic ontslagen sal weerden van sulker molestien nochtans nyet sonder mynen schaede. Ende dit laet by u blyven, wachtende u voirdaen dat ander lieden myn brieven nyet en studeren, oft ick en solde van u nyet te vreeden syn, want tgeen ick u schrijve en wil ick nyet dat allen man weet. Schryft my hoe myn vrouwe van YselsteynGa naar voetnoot16 te vreeden is geweest van het confessionael haer gesonden. Segt her Joerden van VoertGa naar voetnoot17 dat van supplicatien noch nyet gedaen en is, gemerct dat men voil gelts uyt solde moeten gheven. Ghij sult doen betaelen Henrick Neelen vijff golden gulden die synen soen geleent syn geweest uyt der banck, te betaelen aen den susteren van Orten, ende seynt my die quitantie. Den geselle van HuesdenGa naar voetnoot18 heb ick oeck yets doen leenen als hy van Romen vertrocke. Eest nyet betaelt, solliciteer dat betaelt weerde en seyndt oeck quitantie. Voirt heeft Wilhem Peterss. schrynwerkerGa naar voetnoot19 uyt der banck ontfaen acht golden ducaten, gelyck ghy begeert hebt. Waect dat sy oeck terstont betaelt weerden ten susteren van Orten ende seyndt quitantie. Ick heb genoich verstaen van Mathys hoe hy by u tot Loeven is geweest ende dat men u wenich schyere gedaen heeft. Hebt dair van patientie ende segt mynder suster dat sy haer te vreeden stelle ende bidden onsen Heren Gode dat ick balde by haer mach coemen. Ic sal se, hoep ick, van voile dingen te vreeden stellen. Ick moet uyt goeden respecten selffs dickwille patientie hebben et bibere calicem. Anders en heb ick op dit mael sonderlinxs nyet te schrijven. Dan groet onse moye Mys hertelycken met haeren dochteren ende segt haer dat sy wyn drynct. Soe sal ic haeren soen WilhemGa naar voetnoot20 met my tot Merlen brengen. Gruet my voirt allen die vrienden. Geschreven met haest uyt Roemen den yersten dach in Meye 1515, U broider bekant.
[P.S.] Voir het cloester van Sunte GeertrudenGa naar voetnoot21 ick heb myn diligentie gedaen om hen te helpen aan tgelt dair om my geschreven wass. Dan segt den pater dat ick gheen | |
[pagina 13]
| |
hoep en heb om yet te moegen crygen ende die hem anders te verstaen gheeft die betaelt hem met woerden.
Ontfangen anno XV den Junij (die quinta). |
|