Nederlandse historische bronnen 10

[p. 8]

II Brieven

1

eersamen wysen mathys schenaerts¹, secretaris der vryheyt van oesterwyck, synen besonderen goeden vriendt

Rome, 15 juni 1498

Myn vriendelicke groit ende wat ick liefs ende goits vermach voirs. gemynde goide vrient, Met konde der vriende synt die ersame Geryt Michiels van Eyndoven ende Elisabeth myn enige suster als eeluyde by der heyligen kercken tsamen gegeven, die nu hon bruloft, wilt Got, dencken te houwen tot Eyndoven op dynstach naest nae Onser Lieven Vrouwendach Nativitatis² des XIden daichs in Septembris naestcomenden. Ende soe ick nu die voirg. myne lieve eniger suster hoeren dach gheeirt ende gefordert sege, bidden ick, soe ick vriendelickste ende begerlickste kan ende mach uwe liefden believen, will der voirs. myne lieve enige suster hoeren dach voirs. my ter eiren gonstlicken helpen bewysen ende leysten. Des will ick altyt nae mynen cleynen vermoigen widderom tege uwe lieffden verdienen. Kenne Got almechtich, die uwe lieffden langen tyden gesunt gesparen wil. Geschreven tot Romen onder myn signet des XVen dachs in Junio anno etc. XCVIIIo, Wilhem van Enckenvoirt canoniek tot Aken³.

1 nadere bijzonderheden over deze adressaat heb ik niet kunnen achterhalen.

2 Het feest van Maria Geboorte wordt gevierd op 8 september.

3 Het bezit van een kanonikaat te Aken werd toen kennelijk door hem als het belangrijkste beschouwd.