Nederduitse en Latynse keurdigten

[p. 538]

Ad gallum trepidantem.
Epigramma.

Galle, peragratis, non victis, urbibus auctus,

Quae sola poterant proditione capi,

Ingentes animos sumis, totumque per orbem

Effera terribili classica voce canis.

Non Ubios bello, non implicuisse Cheruscos,

Non tria quae fugiens aequora Brito tenet;

Est satis Augustum tandem quoque cogis ad arma;

Sed Tibi, seu Sociis arma cruenta Tuis.

Sic visus nimium temerarius, addis, Iberos,

Undique qui strictis ensibus ora petent.

Esse quid hoc dicam? mortis nisi taedia longae

Exosus properas, Galle, perire cito.

Aliud.

Devicti Batavi Gallum fecere superbum.

Perculsi quae sit, die mihi, causa; Bona.

Aliud.

Arma nuper Batavos vicerunt Aurea: Nunc Te
Aurea non vincunt, Galle, sed Auriaca.

Aliud.

Victoria fuperbus ac tumens Gallus
Fugiens fatetur, deserensque Trajectum,
Victoriam non, sed fuisse Trajectum.

Jacobus Tollius. M.D.