Momus Program

Op de wereld is alles valsch.
Wijze: Cadet Roussel a trois habits.

Valsch ziin de wissels, das bekind,
Valsch et beer wat me soms vind,
Valsch de schoenste, breidste kanten,
Valsch de praot van de mechanten.

Valsch, valsch, allemaol valsch, } bis.

Op de wereld is niks es valsch. } bis.

Valsch is den dikste diamant,
Valsch et nuits oet de courant,
Valsch ziin déks de kameraoten,
Valsch de filets, kerbenaoten.

Valsch. valsch, etc.

Valsch kan ouch ziin de schoenste frang,
Valsch de zwoerste sókkertang,
Valsch dat ziin veural de katten,
Valsch de kuuten mét veúl watten.

Valsch, valsch, etc.

Valsch speúlt al ins eus braaf orkes,
Valsch is de wiin in en schoen fles,
Valsch weurd schrik'lik veul gezongen,
Valsch is me déks bij et koejongen.

Valsch, valsch, etc.

Valsch is de dames hun coiffuur,
Valsch is ouch al hun tournuur,
Valsch ziin noe en dan hun tendjes,
Valsch de ring van aon hun hendjes.

Valsch, valsch, etc.

Valsch kan me ziin in politiek,
Valsch is ouch soms et publiek,
Valsch al die aptiekers zaken,
Valsch de dokters die 't doen maken.

Valsch, valsch, etc.