Momus Program

Smaal en Breid.

Smaal. Hébste 't gehuurd?

Breid. Watte?

Smaal. Ich beklaog die erm hon.

Breid. Jê, ich weet al waste zéggen wéls. Ze ziin verplicht op orde van euse raod, en decoratie te dragen.

Smaal. Gaank toch, dat is et neet, want tao zullen ze wel, wie mennige mins, verierlikt op ziin.

Breid. Wat is et tan? ich bran van nuischierigheid.

Smaal. Wel, ich zal et tich tan mer zéggen. Eus provinciaol Staoten hébben deftig gediscuteerd um de hon neet mie aon kroukaren of wegelkes te spannen.

Breid. Wat en braaf lui! Dat ziin lijhartige zielen.

Smaal. En 't besluut van hun deepzinnig redeneeren is geweest, dat bij reglemint aon de hon verbojen zal weerden te bleffen es e peerd hun tegenkump.

Breid. Moten de biesten dan neet, wie de Staoten, zich goojen daag zéggen?