Momus Annalen veur 1833 en XI

[p. 85]

N^o. XI en eyn.
11 december 1833 en XI.

Gekheid mair neet boete de schroam.
Sagesse des nations.

La publicité est la sauve-garde du peuple.
Flappinus den XI.

Discours
Oetgesproke door Ziene Hoeglustigheid Flappinus den XI, President der Momus-Societeit, bij de opening van het Momus joar 1833 en XI - 1834 en XI op den 17 November 1833 en XI.

Hoegleustige en zier beminde kollega's van het Comité, en geer Momus-kinder, allemoal salut!!!

Het 5^de joar van vreug en pleseer veur de Momus-kinder, gyt beginne.

Veur de 5^de kier hub ig de ier dees solenneel vergadering te komme opene.

Wie geveulig dat ig oug bin oan het vertrouwe dat geer in mig blyft stelle, en oan de blieken van vrundschap die geer mig by alle gelegenhyde geft, wil ig ug tog neet hy komme verveele, door ug met schoen en lang phrase te bedanke, en zal ug mer reg veur de voes zegge dat ig er gruuts op bin; en dat ig veul mie pries in de achting en vrundschap van mien medeburgers stel, dan in de laffe vleyerye die allewyl, helaas! in de groete wereld à l'ordre du jour zien. - Oug Momusse! zeel verzekerd dat eure President, eur achting en vrundschap, op hun echte weerde wet te schatte, en dat heer gyn gelegenhyd zal loate verby goon, um er zig weerdig van te make. - Verder zal ig, met de behulpzaamhyd van eus onvermeuibaar comité, alle meugelikke meuyte inspanne um ug ynige oangenoam augenblikke te doen doorbringe, en alle joare, al mie en mie glans van eus societyt te geve. Veer zulle trachte eus pleseere zoe veul es meugelik is te veriere, zoe dat mennige Anti-Momus nog wel het water in de mond zal komme, en zig tot inkier zal begeve. Reeds is eus projek, van ug twie groete concerte deze winter te geve, met het groetste succes gekroend gewoorde; want, op eus verzeuk, van us met hun talente in eus ondernumme wel wille behulpzaam te zien, hubbe zig eus jong Momesinnekes dadelik doa touw gepreteerd, en zien reeds langen tied, met de groetsten iever, oan het repeteere. De complaisantie van de lede van eus Momus-Lier, heet zig, wie noa geweente, oug neet loate wachte; allemoal hubbe zy zig op eus ierste oanvroag geryd getuind, um het nobel exempel van eus schoen geslag te volgen.

Wel noe Momusse! wee zou dan neet gruuts zien, van oan het huyd van dergelieke societeit te stoon, woe de pleseere met de weldoade gepoard goon, en woe alle lede zig zoe verdeenstelik wyte te make. - En wee zouw konne verdrage, dat iemand wee het oug zy, met misachting van eus Momezy zouw spreke! ig veur zeker neet Momusse! want es vayer van de Momezy, en zoe lang es ze neet boete de schroam zal goon, zal ig noets deulde dat de minste laster of injurie tegen heur gezag zouw weerde, zonder doa euver ein eclatante satisfactie te numme, en wel, door middel van de Momus tong.

Op protectie heubbe veer tot noe touw nog neet veul te stuute, doa is euse rukstrank aug neet elastik genoeg veur; dus dat de reuse stappe, die eus societeit op korte joare gemaak heet, oan niemand te danke zien, es oan de eindrag die teussen ug Momus kinder regeerd, en oan den onvermeuibaren iever van eus weerdig Comité, en oan de extraordinaire talente en complaisantie van al de metwerkende Lede.

Het is dan op ug allein Momusse! dat alle eus hoop gebouwd is, um de Momezy in heuren tegenwoordigen glans te mainteneere. - Onderhauwt taan die schoen eindrag, die tot verwondering van eeder ein in eus societeit regeerd. - Goat voors met de gekhyd met weldoade te poare; beklumpt leustig eus schummelke, um us met gepasde gekhyde te vermake, en zeet tog bezunder indulgent veur aal hetgeen wat het Comité dyt; want Momusse! wie gek euse boel aug schynt te zien, is het tog neet zoe gemekelik es einige wel myne, van eederein te voldoen. Het is tan aug in dat vertrouwe dat veer het roor van het Momus republiek weer heubbe oangenomme, en veer hope van door gein vreemde win gekontrarieerd te weerde,

[p. 86]

opdat veer het scheep, tot voldoening van eederein, gelukkig oan waal konne bringe.

Weloan dan Momusse! leustig op begonne; de deur van het Momus Paleis zien us weer geopend, um us tot onschuldige vermake te begeve, en um door nuy weldoade, de noam van eus Momus Societeit onsterfelik te make.

Roopt dan allemoal met mig oet volle boors: de Momezy zal leeve!

Getrouw oan die schoen devise: la publicité est la sauvegarde du peuple, zal ig euver goon tot ug, euse stoat van zake, in kinnis te legge.

Niks is natuurlikker es van doa euver te spreke, en doa met te beginnen, es euver en met het geen us het meiste interesseert; en dat is werrechtig wel, of der het geleeft of neet, de stoat van eus gezondhyd. Het is us taan alderoangenoams ug allemoal de verzekering te konne geve, dat sederd het sleete van de gepasseerde Momus sessie, neet den doktor noch den aptieker, mer wel de bekker, brouwer en wienkaupman het meiste van us verdeend heubbe. Zouwt geer doa oan twieffele! dan numt us mer veur stoalkaart, en dan zult geer zekerlik doavaan euvertuigd zien.

Alderbrillants is de stoat van eus financies. Tot bewies doavaan konne veer ug verzekere, dat de Momus akties tegenwoordig oan de Beurs te London op 111 per cent gekoteerd stoon. - De Momezy heet al veul mirakele oetgerig, mer het groetste is zeker, dat veer eus centjes wyte te bewoare; dus dyt ein bende gekke eets, woe de groetste financeers geine kans touw zien.

Met de groetste satisfactie konne veer ug verzekere, dat veer met al de gekroende keup en stoate, bij veurtgangs in de vrundelikste relaties stoon. - Het dyt us evenwel lyd, hy vaan de keuppige Keizer van Havanna te mote oetzondere, met wee die auw meuijelikhyde, euver het vry puffe van cigare, nog neet oet de weeg geruimd zien.

By continuatie vergruterd joarliks eus bevolking. - Het is dan oug met het groetste pleseer, dat ig van oavend in eus midde zeen, yn boetegewoon groet getal hiere Officeers van eus garnizoen, die zig onder Momus banneer geënrolleerd heubbe. De ier van hun presentie is veur de Momezy het groetste bewies, dat er blootverwandschap teusse Mars en Momus bestyt, en dat veer dus mer ein familie oetmake, die altied in eindrag en pleseer, wie woare breurs zal leve.

Nydigheid noch afgunstigheid, bestoon neet in de Momezy! Veer verbleyen us met hart en ziel, eshet eederyn goot gyt; veer achten het dus van eus plig van euver de vrugbaarhyd van dit joar, en bezunder euver den euvervlood van wilt en geveuggel, te spreke. Hy zit euse beminde Ceremonie-meister es lebendige getuige van die woerhyd; neet tegenstoande aal het wilt wat heer schut, (wel te verstoon in de schotel) komme zig de hinne nog oan zien deur ophange en dat van chagryn, um dat heer hun hoane zoe verschrikkelik gepleuk heet, veur de Momus mutze met hun veere te konne verseere; ze zien wel neet gebroije es ze doa haange, mer tog goot gaar.

Bleuijend is de stoat van eus kolonie, dit joar oan de linker Moas-oever gevestigd. - Casino heet boete alle verwachting oangenomme; noa alle koste bestryd te heubbe, bevinde zig nog f 155-87 c. in kas. - De ligging is alderoangenoams, de locht is er zier gezond en heet ein bezunder influentie op de leefde. Weldra zulle er plantagies oangelag weerde, woe by de Mastreegteneers allein geëmployeerd zulle weerde. - Doa de grond veur de kultuur van soekker, koffy en thé, neet zier geschik schynt te zien, zeullen er iers prove gemaak weerde met komkommers, unne en ramenasse.

..................^(*)

De kunste en wetenschappe weerde door us kragdoadig beschermd; het groetste bewies doavaan, is de eclatante manneer woe op de bereumde schilder Koekoek door us in de Momezy ingelyf is gewoorde; veer bevinden us egter boette stoat, ug dat nuy Lid hy te produceere, oangezeen dat tee snaaksche vogel us ontvlogen is, zonder dat veer wyte woe heer zig allewyl ophilt.

Van wegens de stad Hamburg is oan de Momezy ein medaille geschik gewoorde, gemaak van het stof van de klokke, die in de verschrikkelikke brand van den 5 mey 1842, gesmolte zien. By dees medaille is yne breef geveug door de Commissie, noamens de Senaat, woedoor us de hartelikste dankbetuiginge gegeve weerde, veur eus milddoadige bydrage van f 1064-02, ten veurdyle van de ongeleukkige slagtoffers, en voorskomende van de representatie die tot dat doel, door minslevende leefheubbers van de Societeit, op den 26 junij 1842 gegeve is gewoorde.

Dit gedinkstuk, dat ier oan eus Societeit dyt, en bezunder oan diegeene, die door hun talente den ongeleukkige komme bystoon, zal by de archive van de Societeit geveug weerde.

En noe Momusse! zouw ig hiel geere yndige, es ig neet vrysde ondankbaar te zien, met ug neet ein weurtsche te zegge euver de nuy blieken van vrundschap, die geer mig, ter gelegenhyd van miene patroen, weer gegeven heub. - Ik verberg ug neet dat ig er zier geveulig oan ben gewees, bezunder um dat geer mig doadoor het bewies heubt gegeven, dat ig geleukkig genoeg bin gewees, de achting en vrundschap van ug allemoal verdeend te heubbe, het geen in mien auge, de schoenste beloening is, die me van zien medeburgers kaan ontvange.

Ontvang dan mienen harteliksten dank veur de al te groete ier die geer mig heubt oangedoon, en zeet verzekerd, dat mien lippe dezen iere beker noets zulle oanrake, es um op het geluk en welvaart van alle Momusse te drinken!!!!!

Lang leve de Momezy met al heur Momus kinder.

(*) Door de censuur oetgeschrapt.