Gezeumerd busselke.
Marqueur, ‘reep eyne Pruus dee viss oat’, bringt yn fles wien, de viss moot swumme. Ynen Hollender dee neeven hum zoat en dee dat grepke schoen vond, evel perceys wat rindvleys had gegeete, dee reep: Jonge, eene fles wijn, de os moet zuipen.
- In y pensionat van groete jong juffrouwe, zag ins de maîtresse veur te lagche teege hun: dat eder de yne kleine mond had, yne man zouw kriege! ‘Est-il possible?’ reepe zij dadelik allemoal, met spitse muylkes; mair, zag ze verder: Die eyne groete mond heubbe, kriege twie mander! ‘Est-il vrai?’ reepe ze toen weer allemoal te geliek.
- Yne slagtersjong, schreef oan ze vaaijer het volgende:
‘Ig proffiteer met de groetsten iever van deez occagie, um ug te melde, dat ig noe yne man van zeeker en vaste positie bin. Binne twie moand dan zien het veertien weke dat ig tot slagtersjong geavanceerd bin, miene meyster is zier content met mig, heer heet mig al twie kiere steeke loate, en de ander week liet heer mig slagte. - Ig moot miene breef sleete, doa komme alweer twie osse, woe eyne yn kooy van is, doamet heub ig de ier, te blieve, enz.’
- Es te mig dat nog yne kier durfs te zegge, zag yne levemeeker tegen den andere, dan geef ig dig yne schup, daste van honger in de loch blyfs sterve, al noamste dig veur 14 doag levensmiddele met.
Antwoord op het veurig Reutselke: Twee donderslagen.
Reutselke: Wanneer zijn de straten nat?
Auteursrechtvrij