ken, die us boven het huid hangen, mer verdryf oug de mousen nesten die veer noe en daan in de kop heubben; en onder de Momus mutz alleyn, vind me niemands woe van me zou konnen zeggen:
Deê maen is neet good gemutst!
Joa mien leef vrunden; de Momus mutz is de beste remedie tegen de melancolie, hypocondrie, spleen, zwartgalligheid, colère en mie andere koei zaken.
Ze is den dekmantel der leefde, en de verschuning van al de dwaesheyde en gekke streeken, die geer onder heur zoudt tonnen zeggen en doen.
Ze is de verstendigste roadgeefster in de meuilikste zaken, want ze liert ug: um het met de ein of ander grap good te maken, en er ug zoe oet te trekken.
O Momussen! wat zouw het neet yn gooi zaak zien, es die mutz, get mie in de mode kwaum; es yn eeder doa met rond kon laupen; - en het geit er, men ziel Goads, tegenswoordig by us, en um us, in de wereld, boeten de Momezy, gek genog touw, um dat te mage winschen en permitteeren. - Meugelik zou me daan veul zaken konnen oetleggen en verschunen, die noe neet te begriepen of oaftekeuren zien.
Meugelik zou men dan lagchen euver zaken, die us noe doen krieten!
Ig wil van gein politiek spreeken; mer ig vroag het ug, es geer per exempel ins krank woas, en euren doctoer kwoam ug ins bezeuke met ein Momus mutz op het huid, in ploats van met ynen zwarten hood op yn oetgestreeke gezig, zoudt geer ug daan wel van lagchen konne hauwen?
En zouw ug dat neet veul mie good doen, es alle drenkskes, zelfkes en bloodzukerkes?
Yne kranke dee lag, is tog yne kranke dee geneus en dee nog in lang neet doed is.
Es men einen avekoat um road geit vroagen, wie dat men, bij veurbeeld de mager biesten van de noabers oet zin wei moot verjoagen, en heer liet ug veur einige weurd, die heer met ug sprik, 6 Luiksche schillingen 4 stuivers en 1 oord betoalen, moos eine van de twie daan neet ein Momus mutz op heubben?
Wie veul wetten, regleminten en besluute van hoege en kleine autoriteiten zien er neet, die men zouw konnen verstoon en vergeven, es ze onder ein gekskap woaren gemaak en oetgeveurd.
Wie veul regterlicke oetsproaken en vonnissen zouwen daan gein verontschuldiging vinden, dee noe allein oan de zwaakheid van de keup die onder de mutzen zitten, worden tougeschreeve, en daan onder de influencie van de zotskappen zouwen doorgoon.
Um mig yn enkel licencieke op eus reglemint te permitteeren! vroag ig het ug Momussen, zoudt geer zelfs eur ordinaire en extraordinaire contributie wel zonder te lagchen konnen betoalen, zoe de ontvengers ug ein Momus mutz veurheelen, um ze in optevangen, in ploats van ein getimbreerde quittancie?
En veur ug aug, min leef Dames, heet de Momus mutz ein biezondere weerde.
Geer kont oan heur gooi influencie neet twieffelen.
Heubt geer doch oan eur maander het ein of het ander te vroagen; verlangt geer het ein of ander veur eur toilet of eur pleseer, en begriepe ze dat neet oet hun eigen; numt daan de Momus mutz en loat de bellen ins huuren, doa oan kan ein Momus kind neet douf blieve en dan moote de frenkskes op de proppe kommen.
Weurt eure leefste koet, permitteert heer zich um te doen of dat heer meister woas, numt dan de Momus mutz coiffeert heum doa met, (mer doa met auch allein!) en gef heum dan doa bei ei muilke, dan zal zien colère gauw euver zien, en zult geer ondervinden, dat, es ein van eur twien meister is, het dee neet is, dee de muts dreugt.
De Momus muts is dan zeker veur alle ein schoen veurtreffelieke oetvinding, die veer in ier mooten bewoaren, en die allein moot gegeven weerden oan lui, die weerdig zien ze te dragen, doa bei in het aug hauwende, dat ofschoen numerus stultorum infinitus sit (het getal der gekken oneindig is,) alle gekken toch gein Momus gekken konnen zien of weerden.
Auteursrechtvrij
