Momus Annalen veur 1833 en XI

Diepzinnige politiek.
Met 32 tege 25! -! -!

Vergeft hun die ug haate, hun eigenatie neet beminne,

Want ze weete neet wat ze doen, ze zien neet mie rech by zinne.

Zoe is eyndelik yn neui wet gecreëerd; en dat wel yn die neet veur de poes is - de zoogenaamde uitkleedings-wet -! Doa is wat oan te peusele; um iers het rechte begriep devan te kriege. Het Comité heet reeds alle zien groete wiesheid byein geschraveld, en kon thans noch gyn huugde van al de differente paragraffeen artikels kriege. Ouch zien us reeds differente informaties euver kwesties ingekome, omtrent de neui wet; kwesties, die den oetvinder doavan in zien hoeg praktesatie vergeeten heet, en die me thans gemekelik hij konne door yn artikelke dudelik veurzien.

Par exempel:

Zy die liggende gelde hebbe, die gyn rente opbrenge, moote zy doavan al evezier die by de wet bepoalde percentjes betoale???

Dan zal veurzeeker niemand mie gelde wille bezitte, en dan zal het met der tied zoe wiet kome, dat mennige leui de groetste sacrificies doen um de eurt mer op yn gooi maneer

[p. 22]

kwiet te gerake; joa het zal mennige tot den drank verleije, um ze op te make.

‘Zy, die me verplich den Eid te doen, zien ze gedwonge dat akkivietsche in persoon te doen, of kan zulks ouch, wie hiel veul ander gewichtige punte in affaire, per prokuratie gebeure???’

In dit geval, zallen zich zeker zoe veul Indistrieele op doen, um hun zielkes te verkoupe, dat de wetgevers zich in hun calcul schrikkelik bedroge vinde, en dus wienig doaby opsteeke.

Het is zeker, dat het gouvernemint van hun, die byveurbeeld 50,000 gulde bezitte, de nudige percentjes numme zal, mer zy, die noe ins niks bezitte, en in tegendeil 50,000 gulden schuldig zien, zal me hun doa diezelve percentjes van oet der hanp geeve???

By deez kwestie stoon eus gedachte stil, veer wille de juste milieu van dat punt neet beoordeile; mer dat schynt zeker te zien, dat eus dierbare regente, hun gedrukde onderdoane noets niks anders geeve zulle, es neui contributies en neui wette.