Momus vasteloavend
Veur het joar 1800 en 4 moal 11, op zeeve noa het 11de joar van eus Regentschap in Mastreeg.
Och! geer groete berg, woe op veur us was de Wien,
Woeveur moote de flesse zoe yn kieintjes zien?
Ofschoen dat het Regentschap de landkaarte noch neet oetgepak heet en dat hoas alle Geographe gepensioneerd zien, zoe dat het meuyelik te weten is, woe de lande in eus laindsche ligge, zoe heet toch euse hoechlustige en beminde Vasteloavend vorst, Paillas de IV, de weeg noa eus residentie gevonde, en heet zien hoofdkwarteer genomme by euse doorluchtige Flappinus den XI.
Den Hoege Road heet zich dadelik vergadert um zin Majesteit te complimenteere, en heet in zien groete wiesheid gedecideerd van vorst Paillas, veur dit joar, weer in alle zien rechte es euverheidt van de Vasteloavend te reïntegreren, de organisatie-Kommissie van de portefeuille te ontlaste, en dezelve oan eusen hoegwiese Paillas de IV, veur den hiele Vasteloavend euver te geeve.
Noa dat zin Majesteit, oet de euvergenomene Akten en Protokolle, de wil van het Momus Comité, um dit joar in Mastreeg yne lusterlikke, plaiseerige en vermakelikke Vasteloavend te heubbe, dudelik heet konne gewaar weerde, heet het heur beleefd het volgend dekreet te arreteere, en euse Secretaris baron Kribbeler, met deszelfs publicatie te belaste.
Veer PAILLAS de IV, door de gratie van Momus, Vorst van alle Momesse, enz.
Gelet op de Momus Stoats Akte, dat, es ouch boete de Momezy al zier veul gekke te vinde, toch gyn lustige gekke doa onder zien, en
Geconsidereerd dat het gemeekelikker is, yn vleeg in yn oug te drinke, es eyn drin vass te binde.
Ordonneere, dekreteere en beveele:
Den 18 Februari, s' meurgens um 11 oore, zulle alle Momusse zich noa de Vrythoff begeeve, um in het Momus Palys, hun kup in ploats van hun hoeser te illumineere, en doa het neet genoeg is, van mer eyn bel oan zien hoes te hange, zoe zal ouch eder Momus wel het verstand gebruke, den hiele Vasteloavend yn paar belle op ziene kop te zette:
Want mair de Momus Mutz en heur kleuren alle dry,
Deyt ug chagrin vergeete, maakt eder Momus bly
S' middags um 2 oore, groete Momus vergadering, à la café, noa de neuyste inventie, by Momus Baartmans, op de Vrythoff.
S' oavends um 6 oore, groete Momus Opéra, Vaudeville en Komedie, alles met souffleur by, wat me loater door programme zal bekind maeke.
'S nachts van den 18de op de 19de, is eyn eder verzeuk zich good te ruste, um de
19 Februari, s' middags um 2 oore, present te zien by Momus Daenen, woe het oan Musiek, Koffy, Wien, Likeure, kopjes Thee neet te vergeete, en al wat oangenoam te gebruke is, neet zal manqueere, op koste van de consommateurs, en zonder bezwaar van Momus schatkist.
'S oavends um 6 oore, Groete Redoutte, in het Momus ad interim Paleis, in de Redoutte Zoal, veur groete, hiel groete, kleine, hiel kleine, middelsoortige en andere tailles van leui, woe me de Quadrilles en Walse op het aldersplanditste gratis debiteere zal.
'S deensdags, 20 Februari, veur de middag: algemein rust en woape stilstand, um de preparatieve van dezen importanten daag, behuurliks te acheveere.
'S middags um 2 oore, algemein Momus Vergadering op de Vrythoff, woe euse Momus Patroen, den hiele middag auwd beer zal schinke oan eyn eder dee doavan profiteere wilt; differente Masbuim zulle zich doa bevinde met schoen pryzen oan, het Comité zal oan den airmen, broed, geld en weurs distribueere, en um dit Mastreegs Momus feest op het lusterlikste doa te stelle, zal het Momus Orkester doa tusse ein important Concert executeere; doa boete zulle nog extraordinaire representaties in de loch gegeve weerde, die eyne ingenieuse Momus gepraktiseerd en oetgevonden heet.
Um 4 oore zal by Momus Bonn in de Café Suisse, yn groete Mutze gerechte vergadering beginne, woe de hiel Momezy met het gaazleeg gratis geregaleerd weurd, zoe dat me niks anders betoale hoof es de ander zaake die me doaby gebruuke wilt.
'S oavends um 9 oore, Groete Gemaskeerde en Ongemaskeerde Bal à f 1,25 per persoon, en veur eder Momus personeel 75 cents.
Boete dobbel orkesters en de splanditste dekoraties en illuminaties, zulle, um 11 oore percys, fonteine van Eau de Cologne en Wien beginne te springe, en yne groete Peerde Cours, à la Blondin ploats heubbe. Zestien van de beste Engelse Peerd en de bekwoamste ruters zulle met hun schoen gedresseerde bieskes yne carré danse, en van alderhande schoen kunstukke executeere, noets hey in Mastreeg gezeen.
Doaveur of doana, noavenant het Comité zulks het convenabelste zal bevinde, zal door leefheubbers eyn van de komikste pantomine gespeuld weerde, en het Comité, wat op deez Bal alle in- en boetelandsche lustige verzeukd, zat gyn koste ontzien, um alles wat amuseminte veroorzake kan, in het werk te stelle.
Yndelik, Zondags de 25 Februari: - verschrikt ug neet Momusse, en maakt ug standvastig um dit te vernumme! - 's middags um 4 oore, leste Momus mutse gerechte byeinkomst by Momus Daenen, um, met versterking van y gleeske, afscheyd van de Mutzkes te numme, die us zoe lang en zoe getrouw gedeend heubbe, um vorst Paillas te bedanke veur al de plaiseere die heer us prokureerd, en heum dan lesteliks oet dankbarheid op yne kant te zette, wie dat allewyl de mode is. Oet bezunder consideratie en um euse gooye Paillas neet bescheemd te make, heet het Comite dan ouch besloote, deez op yne kant zettery neet met de kloaren daeg te ondernumme, en is vastgesteld van 's auvends um 7 oore, door assistentie van alle Momusse, deez plegtige en treurige begrafenis te beginne, en in de zeute hoop van het ander joar weer eeve plaiseerig met het Momus Banier veur den daag te komme.
Aoan allemoal die dit leeze, eus complemint.
Zoe gegeve, op ordonnantie van Vorst PAILLAS de IV.
Met approbatie van het hoechlustig Momus Comité:
De Sekretaris, Baron KRIBBELER.
Auteursrechtvrij