Correspondentie.
By de redactie van de Momus Annalen zien neet minder dan 37 breeven veur den Hutspot ingekommen; me heet van de meiste gein gebruuk konne maake, um dat ze te laat zien bezeurg, en er oug personnaliteite in veur kwoamen, die men in de Annalen neet kon opnumme.
- De redactie verzeuk ein eeder dee get zou willen inschikken, dit veur den iersten van eeder moand te doen, doa me van deen daag oaf met het arresteeren van het blaad, dat op den XI oet moot komme, aon het werk is, en de breeven die me laater ontvingt, tot de volgende moand moote blieve liggen.
- Oug deit de redactie opmerken dat in de Momus Annalen allein geschreven kaan weurde tegen personen die, het zy de Momezy het zy de Burger klas, heubbe geblameerd.
- De boutades en jobarderies van den Hier X. n. zien met dank ontvangen, doch te laat eengekomme um in dit nommer opgenomme te konne weurden; ze weurden tot de noaste kier bewoard.
- Es het woer is: dat meister Olibrius gezag heet, dat de Momussen nog wel ins met gebakke appelen gesmeeten zulle weerden, eets woe noa de redactie onderzeuk zal doen en dat heur is geschreven, dan zal men oug de onderscheije historikes en grepkes, die op zien rekening zien oangegeven, in de Annalen van tekommende moand neet vergeten.
Auteursrechtvrij