Momus Annalen veur 1833 en XI

[p. 4]

Nuy joar winsse van eyn Momus keend.

Hyl en zege en al wat winselik is.
W. W - ts.

Ig wins dat ug den hiemel maag bewoare

In dit en in de noavolgende joare
Van koei zin, dreufheid of chagryn;
Komp by Momus, dan kreygt geer gyn.

Ig wins dat heer ug oug maag bevrye

Dit gans joar en in alle tye
Van de gig of het puutsche in erm of byn;
Drink mer braaf, dan kreygt geer gyn. -
Van eyn gastrite in de moag, typhus of pes,
En van groeten doors en gey geld in de tes.
Van quakzalvers met poeyers en pille
................^(*),
Van koei ouge of van pyn in de tan,
Van winter hakke of ope han,
Van eyn droepende noas en eyn toetende oer,
Van roazende hon of eyne zate boer,
Van vrun die ug bedreege en verroaje,
En veur t' verdrinke, es geer ug goat boaje,
Veur teering, veur fleuries of steeke van de mild
En veur eyne code civil es geer trouwe wild,
Veur de roes in het gezig of veur heyte brand,
Veur eyn bloodsweer oan eur byn of 't fiet oan de hand,
Veur ges die neet opgeyt es geer kook wilt bakke,
En van fluxies die me geneust met meelzakke
En van boekloup dee ug deks te veul deyt kakke.

Nog wins ig dat geer maag zien bevryd

Woe me in de menage door lyd:
Van zoer beer en verschoalden azien,
Van gebrande melk en slegte wien,
Van stinkende ves en van rotte eyer,
Van ey look in eur brook en de mot in eur kleyer,
Van eynen inge schoon en chagryn in den trouw,
Van ey brommend wief of eyn lestige vrouw,
Van soekery in de koffie of druug citroene,
Van pruusses zilver en valsche kroene,
Van oafgezat geld zonder cours
En van chagryn in eur amours,
Van groeten doors en niks te drinke,
Van dom luy die van hoevaar stinke,
Van luy die alles zegge mage
En van meytskes die suppleminte drage;
Van luy die myne dat ze alles kinne
En die altied alles verkiert beginne,
Die tonge heubbe wie noaljes en spange
En alle luy zeuke oan eyn te hange;
Van luy die tegen alles keke
En euveraal hun neus in steke;
Van luy die zig euveraal een konne dreye
En die altied wete het pouvoir te fleye;
Van lanteres die op moaneleeg wagte,
Bezunder bij de lang winter nagte;
Van luy met valsche jabots oan hun humme,
Die hun memorie veur hun verstand deks numme;
Van hiere met stikliever en corsette
En die hun bleyke gezigter blankette;
Van vrouwe die in gazette schrieve
En met leeze hunnen tied verdrieve,
Die géographie en politiek studeere
En hun kinder en menage negligeere;
Van maander die zig met de keuke bemeuye
En deks ganse weke hun hinne zien breuye;
Van protecteurs die ug veul beloave
En potage dee ze met water stoave;
Van luy die zig noa alle win konne dreye
Um dat ze geere de groete pleutskes heye,
Die noa Paries en oug noa Breusselt loupe
En in Mastreeg hun opinies verkoupe;
Van lanteres zonder leeg, neet zonder keene,
Van alle gooy luy die eur geld komme leene,
Van Momusse die neet op pegaaske spreke
En oug van die luy die tegen alles keke,
Van klerke die met eur meeg wille vrye
En oug van mager bieste op eur weye,
Van botte metzer es geer ug wild scheere,
Van de tong van ey meytske die geer zoud mankeere,
Van boere die by ug komme kloage
Es ze by ug oetstand komme vroage,
Van societeyte die me zuut regeere
Door luy zonder kop en zonder maneere,
Van auwers die hun kinder altied pryze,
Van beschummeld broed en van auw socyze
En oug van die luy die mie geld verteere
Es hun revenues wel permeteere,
Van groete kerels die peuters ontvange
En het eeder eyn aon de naos goon hange,
Van eyne pannekook dee geer neet kond dreye,
Van zelfs eyne knoup aon eur brook te neye,
Van tonge die eure naom konne schinde
(Want dat canaille is euveraal te vinde),
.....................
.....................^(*),
Van eyn moag die steuld en eyn snoeppende kat
En van eyn boanschotel die het vuur neet vat,
Van eyne kook dee eur eete liet branne,
Van kleyn kinder tusse potte en panne,
Van eyn moag die glazer en taleure brik,
En heur han neet geere in kaauwd water stik,
Die oore verslit um noa de mert te loupe
En zonder geld op eure naom geyt koupe;
Van visite die ug komme ennuyeere

(*) Door Momus censuur oetgeschrab.

(*) Door Momus censuur oetgeschrab.

[p. 5]

 

En die geer heub vergeete te inviteere,

 

Van luy die zig met eur zake bemeuye

 

En die twiedrag in eur hoes doen greuye,

 

Van dokters en van avekaote

 

Die ug zoe good blood konne laote,

 

Van de apotiekers en de prokureurs,

 

Van nuyjoars-rekeninge en gatze weurs,

 

Van opcenten op de contributie,

 

Van garnisairs of revolutie,

 

Van euverloaye moage of pyn in de linde

 

Of oug van deugter die gyne maan konne vinde;

 

Want dat zien de groetste van alle onheyle

 

Die ug den hiemel oet kan deyle.