Finantie.
De bevolking van de Nederlande, noa de separatie van Belgie, is ontrint nog van 3 millioene ziele. Volgens de probabiliteit kaan me rekene dat dageliks op eeder 3 ziele eyn cigaar gerouk weurt; hetgeen joarliks 365 millioenen cigaare zouw oetmake.
Met die dooryn van 1 112 cens te rekene per steuk, vinde veer eyn som van 5,475,000 gulden.
De konsommatie van den toubak is, volgens advies van de groetste koupluy in dat artikel, nog twintig moal groeter es die van de cigaare; dus dat men doa oet zonne kloar berekene kaan, dat in eus lendje joarliks veur de klyn bagatelle van 109,500,000 gulden, zuuver eweeg, in de log weurt gebloze.
Doa het noe is, door dees manneer van kapitoale in de log te bloze, of wel door ander onnudige geldverkwisterye, dat joarliks euveraal al mie deficitte ontstoon, proponeert eyn Momus keend, van deen artikel met eynige percente te belasten; door die opbrings zouw me ander drukkende laste konne vermindere, en doa door, de gering klas van inwoonders soulageere.
Auteursrechtvrij