Diskoers
Oetgesproke door den Hoegleustige President van de Momezy by de installatie van de Societeyt, den 2de 10ber 1840.
‘Zeet gek op euren tiet, dat is de groete wiesheyd.’
Die weurd zien met zen eige hand geschreeven, door vayer Erasmus, in het book der wiesheyd, pag. 147.
Momus, zoon van de nagt, en God van alle snake
Die goot konne sloape en oug goot konne wake,
Momus dee tempels vind joa door het gansche land,
Is euveraal geierd, by minsse van verstand.
T' is Momus dee veer oug in dezen tempel iere
En dee veer alle doag hiel plegtig wille viere,
In vreugde en plaseer, in vrundschap en accoord;
En euver dezen tex, num ig vandoag het woord.
De eyndrag is veural wat veer recommandeere,
Doa zonder konne veer Momus neet celebreere;
Es me ig wel versteyt, dan geyt oug alles goot,
De eyndrag maakt de magt, en brink oug gooye moot;
D'rum loate veer eus Breurs, uss alle de hand geeve
En roopen alle moal: Joa Momus dee zal leeve,
Dan zal de Societeyt altied blieve bestoon
En t' plaseer in Mastreeg, zal oug nimmer vergoon.
Eus Societeyt besteyt oet ellef honderd snake,
Dee neet gek en is, dee zal men het wel make.
Dog lustig zien is goot, mer neet boete de schroam,
Anders verleere veer, joa euze gooye noam;
Niks wat get vet zouw zien, da's stiptelik bevole,
Durf geer komme zinge, vertelle of verhoole;
Doarum ier geer get zek, weurt oan de president
Veuroaf iers ins gevroag, of heer oug is content.
Het but der Momezij is um us te vermake,
Veer komme hey byein veur us lustig te make,
En alle gekke streek zien hey gepermitteerd,
Heub geer get te zegge, dan zet ug op het peerd;
Personaliteyten, die moot geer menageere,
D'opinies zien oug vry, die moot geer respecteere,
Godsdeens en politiek, dat kump hey neet van pas;
Dat dit deent tot advys van eeder Momus kwas.
Noe nog eynige weurd, veur mien discours t sleete,
Het gansche comité, wie het doa is gezete,
Zal al doen wat het kan, tot vreugd der Societeyt,
Mer zeet oug mer content, met alles wat het deyd;
Want es geer allemoal wilt konnne commandeere,
Dan moote veer direk joa euze mood verleere.
Zeet altied verstendig in alles wat geer doot;
Woe alles meyster is, doa geyt het zelde goot.
Noe jonges allemoal, de glazer ingeschonken
En op eus gezondheyd ins lustig oetgedronken,
Ey gleeske naat deyt goot, het maak us zelfs poëet;
Geer kont mig geluive, t' is Momus dee het zeet.
Veur goot lustig te zien, moot men ey gleeske drinke,
Dan maak men schoen veerssen, zelfs zonder d'roan te dinke;
Me kreyg hiel veul verstand, geluif wat ig ug verhoal.
Loate veer dan ins drinke en zingen allemoal:
Woe kan men beter zien, bis.
Es bey gooy cameroate? bis.
Veer zien noe byeyn, } bis.
Veer zien noe content. } bis.
|
|
Auteursrechtvrij