Moetete (1968)

[p. 40]

Michael Slory
Sranan

uit: ‘Sarka’

D'e diki joe bobi
nanga joe beresaka opo.
Mi sabi mama, mi sabi!
D'e srepi a bauxit,
a ros broedoe foe joe ini-bere,
go poti na ini den maksin te janasé.
Mi sabi mama, mi sabi!
Den srefi foefoeroeman
d'e jepi Tsjombe noso Verwoerd
foe seri, kiri den nengre...
Den srefi foefoeroeman!
D'e priti joe bobi
nanga joe beresaka opo,
foe langa wan switimofo gi wi
te den kaba.
Na so d'e soigi
a broedoe komoto na ini joe skin!
Na so foefoeroeman
e sweri makandra...
Ma wan dé
joe sa gi wi a krakti
foe jagi den gwe,
foe opo lon na den baka nanga fajatiki,
wan dé, wan dé...