Den minnelijcken roosen-knop

[p. 186]

Het vyfde deel bestaende in boertige-liedekens.

VIese Dieve drol'ge Snaecken

Die tot Kluchten zijt gesint,

Hebt ghy lust u te vermaecken?

Hier is 't Boecxskens dat u dint,

[p. 187]

 

Hier hebt ghy hoe Griet, en Steven

 

Vochten om het onder-kleet,

 

Hoe het Wyff is baes gebleven,

 

En den Man sijn broeck bescheet.

 

Hoe een Meysken voor, die lolde.

 

Hoe dat Fop sijn Lief behiel.

 

Hoe dat Theunis suysel-bolde

 

Doen hy inde modder viel

 

Leest, en singht dan met genuchten;

 

'k Wed' ghy bersten sult van lach,

 

Want het sijn de vremste Kluchten

 

Die oyt quaemen aenden dach.