Middelnederlandse geneeskundige recepten

842. Eene goede salue⁴⁸ die orberlic is.

Dese salue is goet ten aderen die vercrompen sijn⁴⁹ ende gheswollen, dese salue heet mercatio. Ende es goet ter rechter couder maghe buten te saluen, ten⁵⁰ hoef sweer, ter borst, ten⁵¹ lanken, ten sweren die hart zijn, ter milten, ter leueren, ter hopen die gheswollen siin, ende dese al buten der mede saluet, ende si es goet tot allen couden wee⁵². Ende aldus sel mense maken:

Nem niy was, ende oly van oliuen, die bladeren van lauwerboem, ende van sarenboem, van ruten, van balsem, van wilder scerley, van mente, van biuoet, van galante, van goutwort, van pupenellen, van agremonien, van vliederen, van gherwen, van donres baerde, van quinque folium, van donres beerde; dese crude .iiij. oncien elkes cruuts ghenomen. Item die wortel ghenomen van ifschen, ende van merra, euen veel, elc i S ons. Item venegriec ons een ende een S. Item violetten i⁵³ ons. Item roden ola, sanikela, portella, weghewijnde, herstonghe, kerspella, van desen cruden so nym elc euen veel. Item nem hennen smout, ende swinen smout ende onghesouten botter een S ons. Item dat selmen alte gader wel cleyn stoden, ende dan legghen in wijn vier daghe, ende dan sieden seer ende wale, ende al siedende daer in doen poeder van wiroec, ende poeder van mastic,

48 salue] het Hs. heeft salie.

49 Na sijn staat in het Hs. sr doorstreept.

50 Na ten staat in het Hs. hoeffe doorstreept.

51 Na ten staat in het Hs. kanker doorstreept.

52 wee] verbeterd uit swee.

53 Na i staat in het Hs ee doorstreept.

[p. 250]

elc een .S. ons. Item .ij. dragmer alijs verdini. Item .ij. ℔ nyes was. Item dit salmen alte gader sieden ende roerent altoes went dat al ghesmonten is, ende roert went dattet cout is, so hebdy salue marcaton goet.