Middelnederlandse geneeskundige recepten

841. Aldus maket men popelioen salue⁴⁴.aant.

Nem die spruten van popel bloemen, sy wt laten .i. ℔ in enen nyen pot, ende groen swinen smout, cleyn ghesceruet, onghesmonten,

44 In de kantlijn staat in een andere, latere hand: poppejon.

[p. 249]

ende doet inden pot te gader, ende latet staen .iiij. daghe, ende dan stotet te gader wel cleyn, ende dan nem bladen van mandragora, ende ole, ende vermiculaer, ende latuwe, ende nasscaden, ende donres waert, ende violetten, van allen cruden so nem⁴⁵ euen vele⁴⁶. Ende dan nem .iij. ℔ swinen smout, ende dese crude stote met den swinen smout wel cleyn, ende met[e]en stoter den popelioen met den cruden, ende alst ghestoten is, so nem alle dese dinghe ende menghet; nem den popelioen in enen ketel ende latet staen⁴⁷ .ix. daghe, ende daer na so sietet te gader met wijnnedic, ende dan perset doer een linen cleet: so hebdj popelioen fijn.

45 nem] de n is verbeterd uit m.

46 vele] het Hs. heeft weten.

47 Voor staen staat in het Hs. fa.