Middelnederlandsche geneeskundige recepten en tractaten, zegeningen en tooverformules

416.

Water van termentille, of cremorse⁽³⁾, of groet duvelsbete: nemt de wortele ende de bladre ende de bloumen van termentillen, die stampt ontwe ende daer af maecht water. dit water .ix. daghe ghedronken ghenest dat witte ende dat brune ende dat roede op die oghe, ende oec den erbrant, ende verlicht den lachame van menegher sake, ende verclaert die sie boven allen watren. et stelpt dat roede minnesoen⁽⁴⁾, ende ghenest den rede van allen daghe ende van anderen daghe, ende die quaerteinne, diet vier daghe dronke. so doet oec wonden⁽⁵⁾ binnen ende buten: het comt ter wonden⁽⁵⁾ ut ^|| ghelopen ende doet also ghenesen. so doet oec kanker, ende tfestel, en mormael, en tseter, apostomen⁽⁶⁾, ser borste, ser veden,

(3) Hs. tremorse.

(4) In het hs. ziet men vóór -esoen niets dan acht rechte stokjes.

(5) In het hs. veeleer wanden.

(5) In het hs. veeleer wanden.

|| blz. 94.

(6) Hs. apostonien.

[p. 113]

arketike die niet verhaut en es, en spene. et confortert di maghe ende sterc die levere, die burst, die niere, die condute van der orrinen van hare oplacien, ende verlicht recht den mensche van sire mesquame, ghelic enen mensce die verladen es ende hem en mensce te helpen comt.