Middelnederlandsche geneeskundige recepten en tractaten, zegeningen en tooverformules

305.

Dit es de virtuut van den crude gheheten in latine brionie, ende es coninghinne⁽²⁾ boven allen crude die sin in erderike. Eerst de wortel van den crude ghehanghen an eens smenschen⁽³⁾ als, beneemt de crampe ende tgrote onghemac; tsop van den blaedren, eenen croes vul ghedronken, beneemt bloet pissen; ende so wie die nuchtren drinct van den vorseiden sope eene onse met eysine gheminct, die ne mach bin den daghe niet dronken werden; ende dit ne suldi niet segghen⁽⁴⁾, het ne were⁽⁵⁾ din kint. tsop van desen crude gheneset alle beenders van binnen die ghequest sin; die telgher van desen crude gheleit an een vier, dat water dat daer ute loept verjaecht worten. ende men neme tsop van al desen crude ende dat supende ghedronken es goet

(2) Hs. coningheie.

(3) Hs. smenghen.

(4) Hs. segghe.

(5) Hs. w'e.

[p. 84]

ende gheneest alle wonden. ende men neme een cornekin ute eere besie die maer .iiij. cornekine inne ne heeft, ende hanghet anden hals die den vierden corts eeft, hi sal ghenesen. maer men moet hutecrabben metten naglen de besien ende hanghen anden als in een scoen douskin; ende daer ne esser nemmee goet dan die mer⁽¹⁾ .iiij. cornekine in de besie en hebben.

(1) Hs. m'.