Middelnederlandsche geneeskundige recepten en tractaten, zegeningen en tooverformules

186.

Omme te makene seepe, neemt .2. deel weetasschen ende een deel levende calc, ende⁽³⁾ maect deraf⁽⁴⁾ staerke loeghe; ende als u loghe ghemaect es, neemt .12. lib., ende .11.⁽⁵⁾ gommen dragante ghepoedert; ende laet staen weken 4 daghe ende nachte: dat wert recht oft een galentine waere. dan hebt noch .28. lib. loeghe, ende

(3) Hs. ende ende.

(4) Hs. d'af.

(5) Het hs. is hier niet volkomen duidelijk.

[p. 56]

doet dese .12. ℔ met den dragante toot den .28. in een ketel, ende laet sieden te samen 2. huren lanc up een sachte vier; dan doet daer toe .8. ℔ olien van oliven ende .j. ℔ ende .j. β. litters huut eere kanen ghepoedert; dan roeret met eenen stocke wel ende langhe, ende laetet sieden so langhe so dat trect als lijm .j. helle lanc, ende dan druupt up eenen couden steen: eist dan dicke als seepe, et es ghenouch; maer en es niet dicke voert cout es.