Medische en technische Middelnederlandse recepten

1150. Ihierusalem emplastrum dictum.aant.

Dese plaester van eyn daghe durende ende goet is ten hoeft vonden⁽⁴⁰⁷⁾ (fol. 108^r) principaellike ende ander leden. Ende geneset apostemen so doet tauere fistelen ende ander quade toe valle nae dyen dat sy mundificirt syn.

Recipe tsap van betonie s ℔., pilozella, agrimonia elx .j. quar[t], dese crude salmen stoten al ontwe ende doense in een pot. Ende gitet dar op tsap vander betonie ende s pynte wyns, ya so dat dy cruden bedect syn. Dan so lutert den pot wast ende decken in perden myst .vj. dage. Dan salment doen to wure ende wullense wort myt wyn ende sydent tes dy sappe versaden syn ende dan syghet ende parsent ende weder twuer doen, daer yn .3. ℔. was, warpond .iiij. , ende siedent tes dy sappen versoden syn ende dan af doen vanden wure ende doen

(407) vonden: o verbeterd uit e en herhaald boven de regel.

[p. 292]

dar yn terepentyn s ℔., knoppe van egelentyer wel gepuluert .iij. , wyfs melc .j. , wallent tegent wuer ende dan bestedet.