Medische en technische Middelnederlandse recepten

1148. Emplastrum Gracia dei media vocata.aant.

Dese plaester werct by nae gelick den anderen. Recipe bladeren

[p. 291]

vanden gherechten eghelentyr .iij. ℔., ende doetse in ene ghelasene wate ende doet dar op oliuen .iiij. ℔., dat laet staen dry maenden ter sonnen gelick men rosen oly mact. Dar nae nemet magden was ende croppen van roden rosen ende van eghelentyr: dese droght ter sonnen elx .j. quart, dan so nemt van desen olye ende van desen puluer .ij. Ʒ, ende smeltet myt dat was op eyn cleyn vure. Ende alst gesmolten is, so nem .3. ℔. betonie, pimpernelle, verbena, dese gestoten yn eyn martyr ende gesaden myt eyn stoppe wyt wyns. Ende dan versieden tot op dat derden deel, dan salment seghen ende parsen ende doent weder te wure. Ende doen dar yn was .iiij. ℔. , ende wyt .iiij. in cleyne stucken gesneden, ende die olye, ende roret was tes eyn stucken gesoden heft, dan settet af ende doet dar yn puluer van masticken .2. , terepentyn .2. ℔., ende roret wel hent cout is. Dit doet al tselue werc ende dy craft die dy grote gracia dei doet ende ock bet in couden apostemen.