Medische en technische Middelnederlandse recepten

781. Aqua eufrasie.aant.

Dyt water make van eufrasien dy warsce ys van bladen, of nem rosen bladen, celidonien bladen, ende ruttebladen mytten blomen, ende als dese bladen tsamen yn eyn cloeck syn, soe springet dar ouer gode wyn. Want eufrasie subtilt alleyn dy groeue huet, ende machse dun ende claer. Dyt water verdrift sundeling dy tranen wt den oghen van couder saken, ende ock toe verclaren. Item het verdrift dy vlecken ende scellen vtden oghen van hetten ende couder saken.