Medische en technische Middelnederlandse recepten

767. Aqua absynthij sic fit.aant.

Recipe alsem ynden meye ende stamptsy myt eyn luttel wyns ende laetse soe staen enen dach ende eyn nacht, dan maket daer water af ende haldet yn eyn tennen wat. Dit water gedroncken nuchteren doet scheiden quade humoren dy yn dy iuncturen liggen ende het doet alle manyren van wormen inden lich[a]em steruen. Ende het purgirt dy mage van heeter coleren ende onstopt dy lewer et curat yctericiam et prouocat vrinam et facit bonam digestionem et clarificat visum et oculos confortat. Ende dede men yemant yn syn oghe dy daer wormen yn had, sy solden al lewendich of doet wt commen.