Medische en technische Middelnederlandse recepten

766. Aqua amantilli sic fit.aant.

Recipe valeriaen myt wortelen, myt stronken, myt bladeren, ende stamptse ende mact dar water af. Dit water doet genesen olden ende nyen wonden ende comt ter wonden wt. Het genest apostemen inden lichaem ende doetse wtwert scheiden ende dan breken ende het suuert dy borst ende doet wel myt vrouuen wesen ende doet wel vryn maken. Ende wert dat man ende wiff quallicken ouer eyn droghen ende droncken daer wan wt eyn wat tsamen, sy warden guede wrinden.