Medische en technische Middelnederlandse recepten

[p. 215]

671. Aqua duplicaticum sic fit.aant.

Recipe eppensaet, wyt mancop saet, ende caniel, elx euen voel, dit tgader ontwee gedaen of gewreuen, daer thoe gedaen consumatium dit doet tsamen yn eyn clocke ende sublimirt. Dyt water ys gode medicyn teghen alle boorst ouel gedroncken colt des morgens ende des (fol. 53^r) auennts all heete. Item dyt oeck gedroncken doet weel slapen ende rusten. Ende het ontcommert des menschen boorst van allen quade humoren. Ende dit gesoden myt castorien ende wael heete gedroncken, dat is goet teghen dat wallende ouel. Heet geneset paralisim, ten were dat sy werstoruen were. Heet maket al des menschen lyff licht ende sacht ende gesont. Ende quit van allen fledersiin ende van allen quade humoren. Et comfortat cerebrum et caput.