Medische en technische Middelnederlandse recepten

666. Gebrande wyn te makenaant.⁽²²⁰⁾.

Nemt .j. pot (fol. 51^r) van xiij. quarten ende doeter yn .x. quarten wyns of dy moder van wyn, ende make si dunne myt schoen water of myt homborgh byr, ende dat alsoe <dic> wort als kern melck, ende settet op fuer, ende roret alsoe lange tot dattet begint the syden. Dan nemt den helm ende setten op den pot, ende doet dichte toe datter ghen locht wt en ghae myt wyt vanden eye ende crijt of weyte meele ende water. Ende maket daer doeken yn naet, ende slaet bneden om den helm, ende maket hem vaste op den pot, ende dy pipe sal doer een tonne waters gaen.

(220) Naast het opschrift staat in de marge: De Aqua viua.

[p. 212]

¶ Ende als ghy den wyn pruuen wylt, so maket daer een lynnen doeke yn nat, ende barnt dy doeck so ys hy goet.

¶ Ende als ghy den helm of doet, soe pruuet dat inden pot is. Ist suer, soe duet wt, ende doe daer weder nye yn als vorscreuen ys. Ende wildi hem seer guet hebben, dat hy seer dienen sal tot veel syeckheiden, soe suldi nemen .x. quarten vanden wyn dy ghy ghebrant hebt, ende maken den pot schoen, ende doen den branden wyn dar yn, ende nemen eyn hantvol gorsbeyn of dameren ende .iiij. ℔ muscaten cleyn gestoten, ende .ij. hant fol salien bladeren gedrughet ende muschaten, naghelen .j. ℔. Ende dese alte gader yn en bultgen of in eyn doeke gebonden ende inden pot gedaen ende myt ghedistilirt. Ende hoe ghyt dücker distillirt, hoe dy wyn sterker wort.