Medische en technische Middelnederlandse recepten

656. Mel rosaris tmaken.

Men sal nemen tot .j. ℔ witte schone⁽²¹⁶⁾ honick wel gescumet .j. s ℔ bladeren van rode rosen, daer al dat groen af ys, ende sident myt water een pint tot dathet water wersoden is, ende cleinsent ende settent in eyn schoen verglaesde wat wel gestopt yn eyn duster stede.

¶ Men macht oeck maken sonder fuer, ende setten dy rosen ende latent staen koken also. Ende sommighe nemen dan sap van dy rosen, ende alsoe woel honick ende menghen dat, ende settent yn eyn wat als vorscreuen is.

¶ Alsoe als men van dy rosen doet, soe machmen doen van violen blommen, ende bernaerts blommen, of van rosemarins blommen.

(216) Na schone staat sc doorstreept.