Medische en technische Middelnederlandse recepten

649. Om queden cruyt thoe maken.aant.

Men sal nemen queden appelen ende scillense, ende doen dan dy kerlen wt ende syense yn wyn, tot datmense doer slaen mach, ende alsy doer geslaghen syn, so salmen dar thoe nemen (fol. 48^v) alsoe woel goeden gescumden honichs van elx al euen woel, ende dat salmen syden tot dathet seer dicke is, ende pruuet op eyn sausicken. Ende als becant dick genoch is, soe salmen dar krut yn doen. Ist datmen gekrudet wil hebben, ende syden dan tot dat het dick genoch ys. Ende thoe wyl dat het heet ys salment yn dy dosen doen. Mer erst salmen dy dose myt poer stroyen woert aen cleuen. Ende sommighen doen daer myn honichs yn dat wirendeel, ende nemen dan daer suker woer. Ende sommighe andere nemen al heel suker woer dy honich.

¶ Dyt cruyt salmen daer yn doen. Neemt caneel, naghelen, van elx <.i.> wirendeel, ende van gengeber, langhe peper, foelge, elx van dese .j. loet.

¶ Men⁽²⁰⁸⁾ mach ock maken als datmen dy queden sidet yn azin van wyn ende nyt yn wyn, ende dan maeckt een gode appetijt. Ende yst dattet thoe suet is, of dat ghy den honich sparen wilt, dy sal nemen witte terwen broet, ende bernent als men doet in zwaerte peper tot spise, ende weikent ende slaent doer, ende namen van dit dan half, tot den honich, ende dit machmen oeck in compost doen ende in allen dinghen daer euen weel honichs in behoeft, mar ommer nyt thoe feel van dat broet.

¶ Alsmen kruet mact van queden, soe machmen maken oeck kruet van allen vruchten als appelen, prumen, kerssen, persiken, of ander

(208) Men: het Hs. heeft Mem.

[p. 207]

aeft, ende dy wyl dy machse yrst in water syden, ende nyt yn wyn of azyn.