Medische en technische Middelnederlandse recepten

610. Om fermilioen thoe maken.

Recipe een erde⁽¹⁹⁴⁾ canne ende maket eyn kleyn gat onder inden

(194) erde: het Hs. heeft erder met laatste letter doorstreept.

[p. 196]

badem, ende stopt dat gat wel wast toe myt eyn holte pyn, dan suldi nemen sulphur .ij. deel ende argentum viuum dat derdendeel, dyt suldi weel tsamen vriuen op .j. steen: dan salt roet werden. Dan soe suldy dyt doen yn dy canne, ende stoppent dichte thoe ende settent op .ij. yseren of stenen, ende maken dar eyn cleyn wuer onder. Ende wart saeke dat dy hytte thoe groet wyrde, ende dy canne barste[n] mochte, soe suldy hem lucht geuen myt eyn prime, ende laten heem alsoe staen, ende stoppen dy mont van dy canne myt boem wolle. Ende als ghy opent, soe wliecht dat quicsiluer bouen om den mont vander canne. Ende als dyt gescyet, soe suldi dy kan om kyren ende weder om, so langhe dat dat quicsiluer veruonnen ys, ende dathet nyt meer op en wlieghe, dan ist bereyt. Ende wyldyt prouen of genoch ys of nyt, soe nemt een coper draet, ende stecten yn dy kanne om ende weder om, ende bliuet daer quicsiluer aen hangen, so en yst nyt genoch, ende dyt suldy prouen .iij. of .iiij. werff, alsoe langhe dat dar ghen quicsiluer aenden draet en blyuet hanghe[n]. Ende merct dat dy kanne half woll sy vanden vorscreuen substancie ende breke dy kanne, so hebdi fermilioen.