Medische en technische Middelnederlandse recepten

609. Thoe maken gude ende rechte ceruse.

Recipe loet ende slaethe dunne ende snydet al cleyne sticken .iij. of .iiij. sticken breet, ende rollet ellic stick by sonderlinghe ront. Ende deer sticken .xv. of .xx. myn⁽¹⁹³⁾ of meer, of alsoe woel als ghy wylt, ende legdse yn eyn eerden poot alsoe dat elke stuck legge dat wat lychts hebbe, ende ghytet dar yn goede wyn etyck dat dat loet bedo[l]uen ys .ij. vinger wael. Dan stoppet den pot waste toe, ende setten yn perden mys al dicke beleit, ende latent daer yn staen .8. daghe; dan nemt den pot wt, dan ys den etyck (fol. 42^r) all wertert ende ghy sult dan ynden pot wynden wytte substancie aen dat vorscreuen loet ende anden poet ende dat suldi af doen, et ista vertur cerusa.

(193) myn: het Hs. heeft nym.