Medische en technische Middelnederlandse recepten

592. Om goet elephanten been tmaken.

Soe neem .ij. deel calcks dy wan wytten keselingh gebrant ys, ende

[p. 191]

dat dardendeel wyt gebrant gyps. Ende dese twee salmen seer cleyn tpuluer stoten, ende men sal dy puluer weel syften doer een doeck ofte teems, ende dan nemt dat wyrdendeel cleyn wyttebloemen, ende dan nemt wyt wan eyeren seer waele geslaghen, ende macht dar mede vanden puluer deghe, ende werket ondeer eyn, dichte ende waste, ende formt dan dar af beelden of wat ghy wylt, ende latet .ij. of .iij. daghe inder sonnen ligghen soe wordet hart ende blyft als eelpen been ende ys wyt als snee ende ys oeck steerck dat het nyet een bricket.