(fol. 39r) Incipiunt quedam dicta diuersarum artium et optima exercitia vacantium.
591. Een manyr van agathen steen tmaken.
Nemt .xviij. eyer daderen ende cloept dy weel entween, dan nemt .iiij. loet clarre gomme armoniaci oder gummi amigdalarum, ende dese drye stoet tpuluer ende menghet dy onder dy eyer doder, ende laet dy gumme wel sincken, ende ghytet dan dy materij yn eyn schoen werglaesde panniken, dat dy materij ontrentt .ij. wingher die sy ynt panneken, ende latet staen acht daghe inder sonnen tot dathet hart wort als glas, ende dar wt machmen formen watmen wyl, ende sy syn fyn ende doer schynnich als aghaten. Ende alsmen vriuet dat hy warm wort, soe heft hy op eyn caff of eyn naelde. Ende hy heeft eyn goden roeck.
Auteursrechtelijk beschermd