Medische en technische Middelnederlandse recepten

537. Roet garne ende linen laken tho weruen.aant.

So neemt fatseelhout ende maket also clein als ghi moget ende doet dan in loghe ghemaect van pot asse. Tot een pont fazeelhouts een vierendeel ponts asse die loghe daer of .ij. emmer vol ghemaect. Dan salmen dan dat derdendeel in sieden, dan salment cleinsen ende doen dan dair in wat spaens groen ende aluijn clein ghepuluerzeert ende siedent weder op, dan salment linnen laken legghen in een cupe ende ghieten die verwe al heet dair op ende rorent also lanc dat het cout wort. Dan salment wt wringhen ende hanghent op te drogen; het is te weten datmen tot .iiij. een pont houts hebben sal.