Medische en technische Middelnederlandse recepten

535. Thoe maken loes leder.aant.

Nemt scaeps wellen ende doet dy wolle of, ende doetse yn eyn cupe

[p. 174]

ende doet dar water yn ende calck alsoe woel dattet genoch sy. Ende roret weel om ende legge dy wellen dar yn .iiij. of .v. daghen hent genoch ys, dan nemtse wt ende mactse schoen. Ende scauetse wael myt een meesche. Dan leggetse weder yn schoen water om thoe weyken dat dy calck of gae enen nacht of meer. Dan (fol. 27^v) nemtse wt ende spultse yn schoen water al werm. Dan doet dij wolle yn een korf, ende trectse so lange dat si wynt droge worde. Dan salmen dy wellen alunen. Hyr suldi merken dat ghy tot hondert wellen .x. ℔ alluns ende omtrent .xxv. quarten waters, ende .j. sten souts, of .j. wirendeel hoester noten behouet. Dan suldi nemen een scuttel waters of .ij. ende doeter in dy kupe ende nemen dy welle, ende wringense wael in dat water. Ende alst water verwrongen is, dan so dotar mer vanden allunden water yn ende wringet dy ander fellen daer yn. Ende ghy sult dy fellen slecht wucht maken vanden allun water. Dit doet .j. of .ij. mael. Dan legse in eyn kupen ende laetse also liggen .iiij. of .v. dagen lanck of meer dat sy⁽¹³²⁾ wynt droghe worden of meer, dan salmen dy fellen thoe nayen vanden enen ende to den anderen. Ende latet daer en gaet bliuen dar men dy werue yn doen mach.

(132) sy: het Hs. heeft syn.