Medische en technische Middelnederlandse recepten

510. Substancie tmaken daer alle verue in dinet.aant.

Recipe .j. ℔ lyn olijs ende sidet een vre ende dan nemt⁽¹¹⁷⁾ (fol. 25^r) .viij. loet bernsteen ghepuluert, ende doen dy yn een erden poot ende ghiten dar op lyn olij dy voer gesoden is dat dy wynsteyn bedowen ys myt den olij ende laten dat sy<d>en also langhe dat di bernsteen ghesmonten ys ende roret weel omme myt eyn yseren leppel. Ende als gesmouten ys dy bernsteen soe salment syghen doer een doeck ende doent totten irsten olij ende latent siden, ende pruuet op eyn leye of het sterck genoch sy Ende ist steerck genoch soe doet dar .4. pont spigel hars yn ende latent syden een luttel ende dan so settet af, ende dan ys bereyt.

(117) Na nemt staat 8 doorstreept.