Mariken van Nieumeghen

XIV Hoe Emmeken uut Rome reysde en hoe si nonne wert inder bekeerder sondersen clooster te Tricht.

Nadat Emmeken die ringhen aen hadde ghelijc ghi gehoort hebt, so es si met haren oom uuter stadt van Rome gegaen, die welcke so langhe reysden dat si te Maestricht quamen, daer Emmeken inder bekeerder sonderssen cloostere nonne wert, tot welcken haer oom behulpich was. Ende na dat hise daer in geholpen hadde, nam hi oerlof aen haer ende reysde tot sinen lande, daer hi noch .xxiiij iaer leefde, na datti zijnder nichten int clooster geholpen hadde, dye hi alle iare eens besochte, also langhe als hi leefde.^{Proza XIV}

Proza XIV zie Aantekeningen; oerlof van: afscheid van.