Mariken van Nieumeghen

XII Hoe heer Ghijsbrecht na Colen reisde met zijnder nichten

houtsnede 7

Des ander daechs smorghens wel vroech, bereede hem heer Ghijsbrecht alleens oft hi hadde misse willen celebreren, nemende dat weerde gebenedide heylich sacrament in zijn hant ende heeft hem also met Emmeken zijnder nichten op die reise gestelt na Cuelen. Ende Moen, die duvel, es hemlieden van vers ghevolcht, maer hi en dorste hem lieden niet bi comen noch Em-[F 2v] meken eenichsins genaecken doer dye crachten des heilighen sacraments. Nochtans werp hi som tijt half eyken ende ander boomen van boven na hemlieden om hem beyden den hals te brekene. Mer Ons Lieve Heere en wildes niet ghehinghen, want si dachlijcx een ghebeken plach te lesen ter eeren van Onser Liever Vrouwen.

[p. 133]

Aldus hebben si soe langhe ende veel ghereyst, dat si tot Cuelen quamen, daer si haer tegen den bisschop biechte. Maer si en wisten haers gheenen raet, want die sonde so onmenschelijck ende groot was, dat hi gheen macht en hadde daer af te absolverene.^{Proza XII}

Proza XII zie Aantekeningen; bereede hem: maakte zich klaar, kleedde zich; alleens: geheel alsof; gestelt: begeven; vers: verre; ghelinghen: toestaan; si: ‘men’, waarsch. de bisschop en diens juridische raadgevers (zie Aantekeningen); haers: voor haar; hi: de bisschop.