Mariken van Nieumeghen
(1996)–Anoniem Mariken van Nieumeghen–
Auteursrechtelijk beschermdIII Hoe Mariken van haerder Moeyen schiet ende uut Nieumeghen ghinck.[A 6r] Aldus es die ionghe maecht Mariken van haerder Moeyen gescheyden ende al weenende seer mestroestich metten donckeren avont uuter stadt van Nieumeghen ghegaen, so langhe dat si quam nevens een groote, dicke haghe, daer si met grooten drucke onder ghinck sitten weenen ende screyen, haer selven den viant seer dicwils overghevende met droever herten, tot haer selven segghende aldus: | |
[pagina 65]
| |
Weemi, suchten, crijsschen ende hantghewrinck,Ga naar voetnoot137-156Ga naar voetnoot137
Mi selven hetende vermalendijt,
Dats nu mijn solaes ende anders gheen dinckGa naar voetnoot139
140[regelnummer]
Doer mijns moeyen scand(i)ch verwijt.
Eest onrecht dattet mi spijtGa naar voetnoot141
Sonder cause sulcken woorden te lijden?Ga naar voetnoot142
Neent vri. In mi groeit sulcken nijtGa naar voetnoot143
Daer therte in wast nu talder tijt,Ga naar voetnoot144
145[regelnummer]
Dat ic quaet ghenoech sitte in dit berijtGa naar voetnoot145
Om mi selven eewich te vermalendi(d)en.
Hulpe, welcken temptacie comt mi bespringhen?
Wil ic mi selven verhanghen oft craghen?Ga naar voetnoot148
O ioncheyt, suldi u connen bedwinghen
150[regelnummer]
Oft en wildi nae gheen reden vraghen?Ga naar voetnoot150
Wie soude oock alsulcken woorden verdraghen
Sonder schult? Hi en is niet levende, ic meens,Ga naar voetnoot152
Diese sonder verdiente wel soude behaghen.Ga naar voetnoot153
Dies segick in wanhopen die mi comt belagen:
155[regelnummer]
Comt nu tot mi ende (helpt) mi beclaghen,
God of die duvel, tes mi alleleens.Ga naar voetnoot156
|
|