[ 19 ] Dat. XLV. capittel.
DOEN etsijtes den bode sach comen verblijde hy harde seer ende seide. o lieve bode groot willecome sijt wat tijdinge. hoe vaert die over schone margrieta. Die bode seide. etsijtes ionghelinc si vaert al wel. ende si doet u duysent fout seer grueten. ende sendt u desen brief. ende daer suldi in vinden alle haer meninghe. Etsijtes nam den brief ende custen ende hi seide. o evac lieve neve siet hier van mijn alderliefste tghescrifte. doen seyde evac. wel here hoe sidi nu ghemoet met desen brief. ist eenen brief van trooste so ist al goet. Etsijtes oversachse ende hi seide. iaet het is confortatijf der bedructer sinnen. ende is een verlichtinghe der memorien. ende een balsame der herten. want lieve neve si serivet over dat si wel wilde, dat wi eens daer quamen spelen. ende ick heb wil dat ic mijnen vader eens bidden sal. om daer te reysen twee ofte drie daghen om te triumpheren. Dat docht evac seer goet si waren beide blijde om ander saken wille. ende si ginghen ter salen bedrivende alderhande ghenoechte.
Auteursrecht onbekend