Liedboek van Kathryn van Hatzfeldt

[fol. 28v]

XXX.

Jch hadt meyr vosser weltlerd
tzo dem meyen eyn bluemelleyn
dat meyr so waill geffeltd
wie fernn jch vaen eim sy
eis eist aen meich ghesunnted
ghedrucketd wael aen meyn broist
eis eist vaen meyr erweltd
fuor aelle der werletd luost.

Wie langer , von wie leyfer
ys wanted nae daer bey
Jch weill meych zo eym ffuegen
tzo dem seluen bluemelleyn
ys bluetd zo der rechter meyen nacht
und heyschetd wael ghemutd
ys kan geyn maen bedachten
was rechte leyfden doytd.

Des bluemelleyn weil jch ghellen
wael ein meynß hertzen gaertd
nae aelle meynen weillen
so huoepß vn auch so tzairt
eis heyßend ouchge weytde
jae bluemgen wergeyß neit meyner
Jch eyn weill neit vannen deir scheitden
wie ffern jch van deir sey.

ewech seyn eyghen stedech sonder scheiden.

M H E