Liedboek van Kathryn van Hatzfeldt

[fol. 26v]

[ffyl vngelůyckß yst vff ertden]

ffyl vngelůyckß yst vff ertden
da ffůr mych got behoedt
ych woenssch ym heymlych leytden
der myr yn weder reyt
daß ych mych ssolt affwentden
der mych alß goytz erghan
myn leffen wyrt ssych entden
wan ych yn ssolt ffayren lan.

altzit wyl ych got bydden
daß er mych wyl erhoyren
vnd alle myn gedancken
alzit zom besten keyren
vnd alle myn gedancken
de staendt myr zů noch yn
geyn leyffer viff dysser erden
ssal myr komen yn mynen ssyn.

langtzit yst neyt eeywwych
daß haff ych offt gehoyrt
ych hoff noch zo erlangen
waß myn hertz begert
rych got sschyckt myr daß gelůyck
tzo ssyner gelichener zyt
ych wyl mych nycht affwentden
eß ssy wetder leyff noch leyt.