Liedboek van Kathryn van Hatzfeldt



[Folio 24v]
[Bedrůbt ist mir hertz moydt vnd syn] Bedrůbt ist mir hertz moydt vnd syn wol heůer zů diessem neůem jaren noch drecht mich stet mein hoffonge hein vnd darffs nyt offenbayren das ich so hart betrůbet werd in heimmelycher leib verborgen. Das ich dich veins meittlein můs, brengt myr heimmeliche smertzenn ist meynem hertzen eyn swaere bůs vnd krenckt mych fast van hertzen so leb ych doch der hoffůnge noch mein troůren weyrt sich wenden. Ich wayrt der tzit do er weider geit mein gemoit mit allen freiten vnd mir macht gesůnt myn hertz verwoyndt heylff vnß zo samen beyde tzo dyr myn hog geacht ade tzo goder nacht van dyr moyss ych mich ytzoms scheiden. Ammellya gebaren herßzicheyn zo cleůe gůllych ind berg.